Gaano kalaki dapat ang kulungan?
Laki ng sahig sa loob ng kulungan para sa 5 hanggang 100 manok, base sa PNS at hindi sa imported na rule of thumb.
Isang alaga, kinwenta mula simula hanggang dulo
Ang sagot para sa mga numerong ito
- Sahig sa loob, m²
- 3.3
- Kada manok, m²
- 0.17
- Labasan sa labas, m²
- 20.0
- Haba ng feeder, cm
- 204
- Nipple drinker
- 2
- Bell drinker, 40 cm
- 1
- Butas ng pugad
- 3
- Patungan, cm
- 465
| Manok | Broiler, 1.7 kg | Layer | Native |
|---|---|---|---|
| 5 | 0.5 | 0.8 | 0.8 |
| 10 | 1.0 | 1.7 | 1.7 |
| 15 | 1.5 | 2.5 | 2.5 |
| 20 | 2.0 | 3.3 | 3.3 |
| 30 | 3.0 | 5.0 | 5.0 |
| 50 | 5.0 | 8.3 | 8.3 |
| 100 | 10.0 | 16.7 | 16.7 |
Nasa § 6.3.1 ng PNS/BAFS 262:2018 ang stocking density na ito: 10 broiler kada m², at 6 na layer o native kada m² sa fixed na building. Kaya para sa 20 native na manok, mga 3.3 m² ang sahig sa loob, o humigit kumulang 1.8 x 1.8 metro. Mas maluwag ang layer at native kasi buwan buwan silang nasa kulungan, hindi tulad ng broiler na 6 na weeks lang bago mag harvest.
Kapag mas pinalaki mo ang broiler
May dalawang limit ang PNS para sa broiler: 10 manok kada m², o 17 kg kada m². Nagtatagpo po sila sa 1.7 kg kada manok, na siya ring karaniwang target liveweight dito sa atin. Hanggang doon, bilang ng manok ang susundin. Lagpas doon, ang weight limit na ang masusunod, kaya sa 2.5 kg ay mga 47% na mas malaki ang kailangang sahig kaysa sa nakasanayang 10 kada m².
| Timbang sa harvest | Manok kada m² | m² para sa 20 | m² para sa 50 | Alin ang sumasakal |
|---|---|---|---|---|
| 1.2 kg | 10 | 2.0 | 5.0 | bilang ng manok |
| 1.5 kg | 10 | 2.0 | 5.0 | bilang ng manok |
| 1.7 kg | 10 | 2.0 | 5.0 | bilang ng manok |
| 1.8 kg | 9.4 | 2.1 | 5.3 | kg/m² |
| 2.0 kg | 8.5 | 2.4 | 5.9 | kg/m² |
| 2.5 kg | 6.8 | 2.9 | 7.4 | kg/m² |
| 3.0 kg | 5.7 | 3.5 | 8.8 | kg/m² |
Lagpas 3 kg, ayaw nang sumagot ng kalkulador. Ayon sa Aviagen, hindi raw dapat pinapalaki nang lagpas 3 kg ang broiler sa bukas na kulungan na walang fan o anumang cooling, at iyon po ang kulungan ng halos lahat sa atin. Huminto na lang ito kaysa manghula.
Feeder at drinker
Kung 20 manok ang alaga mo, 1 tube feeder at 2 nipple drinker ang kailangan, o kaya 1 bell drinker. Ang feeder space ay galing sa Penn State Extension, at ang drinker ratio ay sa Aviagen, parehong imported.
| Manok | Feeder, broiler (cm) | Feeder, layer at native (cm) | Tube feeder, 38 cm | Nipple drinker | Bell drinker, 40 cm | Bukas na inuman (cm) |
|---|---|---|---|---|---|---|
| 5 | 26 | 38 hanggang 51 | 1 | 1 | 1 | 13 |
| 10 | 51 | 76 hanggang 102 | 1 | 1 | 1 | 25 |
| 15 | 77 | 114 hanggang 153 | 1 | 2 | 1 | 38 |
| 20 | 102 | 152 hanggang 204 | 1 | 2 | 1 | 51 |
| 30 | 153 | 228 hanggang 306 | 1 | 3 | 1 | 76 |
| 50 | 255 | 380 hanggang 510 | 1 | 5 | 1 | 127 |
| 100 | 510 | 760 hanggang 1,020 | 2 | 9 | 1 | 254 |
Ang haba ng feeder dito ay para sa alaga na sabay sabay kumakain, na siyang totoo sa bakuran. Sa malaking farm, tuloy tuloy ang chain feeder at salitan ang mga manok, kaya mas maliit ang 2.5 cm kada manok na nakalagay sa Aviagen.
Pugad at patungan
Hindi hihigit sa 5 manok kada nest hole, at 31 cm na perch kada inahin, ayon sa parehong standard. Ang tandang ay may share sa floor area pero wala silang pugad, kaya inahin lang po ang bilangin mo rito.
| Inahin | Butas ng pugad | Patungan (cm) |
|---|---|---|
| 5 | 1 | 155 |
| 10 | 2 | 310 |
| 15 | 3 | 465 |
| 20 | 4 | 620 |
| 30 | 6 | 930 |
| 50 | 10 | 1,550 |
| 100 | 20 | 3,100 |
Ang tandang ay binibilang sa sahig pero hindi sa pugad, kaya inahin lang ang nasa table na ito.
Ano ang hindi sakop nito
- Ang PNS/BAFS 262:2018 ay standard para sa free range. Walang Pilipinong standard para sa saradong backyard na kulungan, kaya ito po ang pinakamalapit na opisyal na numero na meron tayo.
- Banyaga ang ratio ng feeder, drinker at inuman. Galing po ito sa Penn State Extension at sa Aviagen, at para sa malamig na klima isinulat. Mas madali namang ilipat ang ratio ng kagamitan kaysa sa density, kasi pareho lang ang tubig na lumalabas sa isang nipple kahit saan.
- Ayon sa Aviagen, 16 hanggang 18 kg kada m² ang hangganan sa bukas na kulungan tuwing pinakamainit na buwan. Ang 17 kg kada m² ng PNS ay nasa loob mismo ng bandang iyon, at buong taon iyon ang bilang natin.
- Ilang manok kada butas ng pugad ang sinasabi ng PNS/BAFS 262:2018, pero hindi po nito sinasabi kung gaano kalaki ang butas, kaya wala rin pong sukat na nakalagay dito. Nasa PNS/BAFS 312:2021 § 6.5.2 ang sukat, 35 x 35 x 35 cm kada inahin, pero code po iyon para sa layer at hindi iyon ang pinagkukunan ng mga table sa itaas. Ang 12 x 12 pulgada na madalas mong makita ay galing sa Penn State, hindi sa alin man sa dalawa.
Saan galing ang standard na ito
Kapag hinanap mo ito online, halos laging 4 square feet kada manok ang sagot. Amerikano po iyon, para sa saradong kulungan sa malamig na bansa. May sarili tayong standard na may totoong numero sa loob, ang PNS/BAFS 262:2018 para sa free range chicken, na ginawa ng technical working group na kinabibilangan ng BAI at ng Central Luzon State University. Halos walang gumagamit nito. Ang bawat table sa itaas ay ang standard na iyon, kinuwenta para sa dami ng manok na totoong inaalagaan sa bakuran.
Saan galing ang mga numero
- PNS/BAFS 262:2018, Free Range Chicken (Bureau of Agriculture and Fisheries Standards, Department of Agriculture)
drive.
google. binasa noong Agosto 15, 2026Pilipinascom - PNS/BAFS 312:2021, Code of Practice for Layer Chicken (Bureau of Agriculture and Fisheries Standards, Department of Agriculture)
drive.
google. binasa noong Agosto 20, 2026Pilipinascom - Aviagen, Ross Broiler Management Handbook 2025
aviagen.
com binasa noong Agosto 13, 2026banyaga - Penn State Extension, Space Should Increase as Birds Grow
extension.
psu. binasa noong Agosto 13, 2026banyagaedu - Penn State Extension, Management Requirements for Laying Flocks
extension.
psu. binasa noong Agosto 13, 2026banyagaedu